Енгил вазн тоифасидаги UFC жангчиси Тони Фергюсонда Жастин Гетжига қарши кечган жангдан кейин кўз соққаси атрофидаги суякда ёрилиш юзага келган. Бу эса жарроҳлик амалиётини талаб қилиши мумкин.
«Тони операция қилиниши мумкин», — дейди Фергюсон жамоаси вакили.
Аввалроқ Фергюсон Гетжига қарши жангдан сўнг шифохонага ётқизилгани хабар қилинганди. Тони кўплаб оғир зарбаларни ўтказиб юборган. Жанг вақтида унинг ўнг кўзи атрофида ғурра пайдо бўлган ва қон кетган. Таъкидланишича, Гетжи Тонига 143 бор зарба берган, уларнинг 100 таси бошга теккан.
Беллашувнинг бешинчи раундида Гетжи техник нокаут эвазига ғалаба қозонди. Бу Фергюсон учун 2012 йилдан кейинги илк мағлубият бўлди. Шу тариқа унинг 12 та ғалабали сериясига якун ясалди.
Бундан ташқари у мазкур вазн тоифаси чемпиони Ҳабиб Нурмагомедов билан жанг қилиш имкониятидан қуруқ қолди.
UFC 249’нинг барча жанглари видеосини томоша қилинг.
Мавзуга доир:
- Ҳабиб Нурмагомедов UFC 249 да нокаутга учраган Фергюсонга: Тони, бошингни баланд кўтар!
- Жастин Гетжи: Ҳабиб Нурмагомедов билан жанг қилишни хоҳлайман
- Тони Фергюсон Жастин Гетжига қарши жангдан сўнг шифохонага олиб кетилгани маълум бўлди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)