2019-yilning oxirida koronavirus epidemiyasi tarqalgan Xitoyning Uxan shahri hozirgi kunga kelib odatiy hayot tarziga qaytmoqda.
Daily Mail’ning yozishicha, 6-maydan Uxanda maktablarning yuqori sinf o‘quvchilari uchun darslar boshlangan.
Shahardagi qat’iy karantin aprel oyi boshida bekor qilingan bo‘lsa-da, xavfsizlik chora-tadbirlari o‘z kuchini saqlab qolmoqda.
Maktabga kiraverishda o‘quvchilarning tana harorati o‘lchanmoqda. Shuningdek, bolalar qo‘llarini yuvib, keyin maktabga kirmoqda. Ular darsda niqoblarda o‘tiribdi. Niqoblar tez-tez almashtirilmoqda. O‘quvchilarning har biriga alohida himoya to‘siqlari o‘rnatilgan.
Qayd etilishicha, hozirda 50 mingdan ortiq bola maktabga qaytgan.
Xitoyning boshqa ayrim maktablarida o‘quvchilar o‘rtasidagi masofani saqlash uchun nisbatan ijodiy yondashilmoqda.Mavzuga doir: Tarvuz bozori, maktabga qaytgan uxanlik o‘quvchilar, ko‘zoynakdagi Tramp. 6-may suratlari