Голливуд актёри ва Калифорния штатининг собиқ губернатори Арнольд Шварценеггер Instagram’даги саҳифасига ошхона столи устида спорт билан шуғулланаётгани акс этган видеони жойлади.
72 ёшли Голливуд актёри ўзининг аъло даражадаги жисмоний формасини намоён этди.
Видеода тишига сигара қистириб олиб, ошхона столи устида шпагатга ўтирган Шварценеггер қўлини кўтариб оёқларига олиб бораётганини кўриш мумкин. Арнольд юз ифодаси билан ушбу машқни қийналиб бажараётгандек тасаввур уйғотишга уринади.
https://www.instagram.com/p/B_5YfrMgZ3m/
Шундан сўнг «чарчаган» актёр қўлларини белига қўйган ҳолда «Нима бўлган тақдирда ҳам мен бугун яхши машқ қилдим, ўзим билан фахрланаман», деб кетади. Шунда аслида оёқлар ясамa эканлиги ойдинлашади.
Фолловерлар актёрнинг ҳазилига ижобий баҳо берган. Ролик бир неча мингта лайк тўплаган ҳамда жуда кўп ижобий изоҳлар ёзилган.
Изоҳ (0)