Ҳозирда Ўзбекистонда коронавирусдан 531 бемор даволанмоқда, улардан 7 нафари оғир аҳволда. Бу ҳақда Санитария-эпидемиология назорати давлат инспекцияси бошлиғи, Республика давлат бош санитария инспектори Нурмат Отабеков маълум қилди.
Унинг айтишича, айни дақиқаларга келиб республикада коронавирус билан 2387 фуқаро рўйхатга олинган. 9 май куни яна 71 фуқаро тўлиқ соғайган ва реабилитация марказларига ўтказилган. Айни пайтга қадар 1846 нафар, яъни 79 фоиз бемор тўлиқ соғайган.
Соғлиқни сақлаш вазирлиги тақдим этган маълумотга кўра, шифохоналарда даволанаётган 531 бемордан 7 нафарининг аҳволи оғир, 5 нафарида ижобий ўзгаришлар кузатиляпти.
Шунингдек, ҳозирда 42 мингдан ортиқ фуқаро карантинда бўлиб турибди.
Изоҳ (0)