Саудия Арабистони ҳукумати коронавирусга қарши кураш доирасида жорий этилган чекловларни назорат қилиш учун полицияда махсус бўлинма ташкил этиш бўйича кўрсатма берди, деб хабар қилади «РИА Новости».
«Полиция карантин чораларига риоя этилишини назорат қилади ва беш кишидан ортиқ одамнинг бир жойда тўпланишига йўл қўймайди. Жамоат ва хусусий жойларда учрашувлар, жумладан, уй ва дўконларда бир оила аъзоларидан бошқаларнинг тўпланиши тақиқланади, қонунбузарлар 100 минг риёл (27 минг доллар) миқдорида жаримага тортилади», — дейилади хабарда.
Саудия Арабистонида коронавирус билан касалланганлар сони ортиши давом этмоқда. Саудия Соғлиқни сақлаш вазирлигининг 7 май кунги маълумотларига кўра, мамлакатда пандемия бошланганидан буён 33,7 минг кишида COVID-19 аниқланган бўлиб, уларнинг 1793 нафари ўтган бир сутка ҳисобига тўғри келади. Ҳозирга қадар 219 бемор коронавирус қурбонига айланган, 7798 киши даволанишга муваффақ бўлган.
Мавзуга доир: Саудия Арабистони пандемиянинг молиявий оқибатлари қачондан юзага келишини маълум қилди
Изоҳ (0)