Хонанда Манзура марҳум ота-онаси билан сўнгги марта қилган саёҳатини хотирлади. Хонанда ота-она инсоннинг энг яқин дўсти эканлигини билдириб, сўнгги пайтларда унинг дилини вайрон қилаётган саволлар ҳақида ҳам гапирди.
«Рамазон ҳаммамиз учун кутилган ой, лекин мен учун айнан шу ой янада қадрли, айнан шу ойда ота-онам билан охирги марта саёҳатга чиққандим. Улар кекса эди, об-ҳаво жуда исиб кетмасидан Анталияга йўл олдик.
Инсоннинг ҳаётида, албатта, дўстлари бўлади, фақат биз буни ҳар доим ҳам англамаймиз. Энг яқин дўст — бу сенинг ота-онанг. Улар дунёдан ўтганидан кейин сенга ҳамиша ҳамроҳ ва дўстинг Аллоҳ.
Ҳар бир ота-она ўз фарзандининг келажакдаги тақдирини ўйлаб, Аллоҳга омонат қилиб, дунёдан ўтади. Ҳаракат қилинг, имкон қадар улар билан вақт ўтказишга ва яна уларни рози қилишга.
Ота-она шундай неъматки, қанақа бўлишингдан қатъи назар улар сени яхши кўраверади. Бошқаларнинг гапидан хулоса қилиб, сенинг яқининг бўлиб, душманлик қилмайди.
‘Нега фарзандинг йўқ, нега турмушинг йўқ?’ деб сендан қайта-қайта сўраб, дилингни вайрон қилмайди. Ота-она сенга Худодан хотиржамлик, гуноҳларингни афв этишини сўраб, сен учун жаннатлардан қасрлар сўрайди», — деб ёзади Манзура.
https://www.instagram.com/p/B_61UnupW8V/
Изоҳ (0)