Сўнгги йилларда ўзбек шоу-бизнесининг кўплаб вакиллари АҚШга кўчиб кетаётгани кузатилмоқда. Қуйида кимлар Ўзбекистондаги машҳурликдан воз кечиб, штатлардаги муҳожирлик ҳаётини танлаётгани ҳақида сўз юритамиз.
Отабек Мадраҳимов
90 йилларнинг охирларида «Келинчак», «Будур« каби қўшиқлари билан миллионлаб мухлислар қалбини забт этган таниқли хонанда Отабек Мадраҳимов АҚШга кўчиб кетганига 7 йил бўлди. У ҳозирда оиласи билан Филадельфия шаҳрида яшайди.
Мавзуга доир: Отабек Мадраҳимов АҚШга кўчиб кетгани ҳақида: Ўзбекистондаги ноҳақ «запрет»ларга 15 йил чидадим
«Фотима ва Зуҳра», «Шабнам», «Паноҳ» каби фильмлардаги бетакрор образлари билан танилган актриса Гулчеҳра Эшонқулова ҳам бир неча йилдан бери АҚШнинг Нью-Йорк штатида яшайди. Актриса турмуш ўртоғи Шароф Шарапов билан икки фарзандни тарбиялаб келмоқда.
Актрисанинг Instagram’даги саҳифаси блоклангани учун, у турмуш ўртоғининг саҳифасидан мухлисларига мурожаат йўллаб, карантиндан кейин ўзи иштирокидаги 4 йил давомида суратга олинган фильм тақдимоти ўтказилишини маълум қилди.
Улуғбек Қодиров
«Фотима ва Зуҳра», «Ўйин», «Дада», «Барон» каби фильмларда бир-бирини такрорламайдиган образлар яратган актёр Улуғбек Қодиров ҳам оиласи билан АҚШга кўчиб кетган.
Мавзуга доир: Ҳабибулла Низомов актёр Улуғбек Қодировнинг АҚШга кетиб қолгани ҳақида: Уни хафа қилишди
Ўзбек эстрадаси тарихидаги энг муваффақиятли гуруҳ хонандаси Феруза Латипова АҚШнинг Пенсильвания штатида истиқомат қилади. Феруза Америкадаги ўзбекларнинг тўйлари ва турли оилавий тадбирларида қўшиқ куйлайди.
Мавзуга доир: Собиқ «Сетора»чи Феруза Instagram’да гуруҳнинг афсонавий хит қўшиғини ижро этиб берди (видео)
Таниқли актёр ва пародист Шерзод Бин (Сайдиалиев) ҳозирги кунда АҚШнинг Пенсильвания штати Ҳолланд шаҳрида яшайди. У штатларда ўзбек таомлари ресторанини очган.
Мавзуга доир: АҚШда яшаётган яна бир актёр Шерзод Бин Ўзбекистондан кетгани ҳақида: Менда ҳаловат йўқ эди
Ўзбекистонда хизмат кўрсатган артист Собиржон Мўминов оиласи билан АҚШнинг Нью-Йорк шаҳрида яшайди. Хонанда ўзбек тўйлари ва турли маданий тадбирларда иштирок этади.
Мавзуга доир: Собиржон Мўминов АҚШга кўчиб кетиши сабаби ва у ерда нима иш билан шуғулланаётгани ҳақида сўзлаб берди
«Шайтанат» сериалидаги Жамшид образи билан элга танилган актёр Аҳмад Бердимуродов АҚШнинг Калифорния штатида яшайди. Актёр, шунингдек, «Паноҳ», «Севгинатор», «Қалбим ўғриси» каби фильмларда ҳам эсда қоларли образларни гавдалантирган.
Мавзуга доир: «Шайтанат» сериалининг 21-қисми трейлери
«Олмали аймоқча» қўшиғи билан танилган Нигина Набиева оиласи билан АҚШнинг Теннесси штатида яшайди. Нигина нафақат хонанда, балки ўзбек эстрадасидаги кўплаб хит тароналар муаллифи ҳамдир. Ҳозирда у икки фарзандининг тарбияси билан машғул.
Гулнора Қосимова
«Қайтар дунё» сериали, «Нотаниш», «Иблис девори», «Менинг акам бўйдоқ» фильмларида турли образларни маҳорат билан гавдалантирган актриса Гулнора Қосимова бир неча йиллардан бери АҚШда яшайди. Актриса ҳозирда икки ўғил фарзандни тарбияламоқда.
Абдувоҳид Ғаниев
«Пойга», «Тақдирлар», «Севгинатор», «Дада», «Ўзимдан ўзимгача» каби фильмлар режиссёри Абдувоҳид Ғаниев ҳам АҚШга кўчиб кетган.
Равшан Ҳакимов
Таниқли бошловчи Равшан Ҳакимов АҚШнинг Филадельфия шаҳрида яшайди.
Соҳиб Аббосхон
«Занжир», «Наҳотки сен», «Ажал сўқмоғи» каби бир қанча фильм ва сериаллардаги бош роллари билан машҳурликка эришган актёр ва режиссёр Соҳиб Аббосхон ҳам АҚШда яшайди. У штатларда бизнес билан шуғулланади.
Мавзуга доир: Соҳиб Аббосхон АҚШда меҳмонхонада сувоқчилик қилгани ва қизининг сўзлари уни йиғлатгани ҳақида гапирди (видео)
Рэпер Шахриёр ҳам бир неча йилдан бери АҚШда яшаб келмоқда.
Мавзуга доир: Туркияга келин бўлган ўзбек шоу-бизнеси вакиллари (фото)
Изоҳ (0)