Женнифер Лопес ташқи кўринишига алоҳида эътибор беради ва қоматини сақлаш учун қатъий парҳезга риоя қилади. Бу ҳақида хонанданинг шахсий ошпази маълум қилган, деб ёзади Woman нашри.
Хонанда эллик ёш бўлишига қарамай, қадди-қомати ва гўзаллиги билан намуна ҳисобланади. У мунтазам равишда спорт билан шуғулланади ва гўзаллик процедураларини канда қилмайди, қатъий парҳезга амал қилади.Юлдуз шахсий ошпази Келвин Фернандеснинг сўзларига қараганда, у фақат муайян маҳсулотлардан тайёрланган егуликларни истеъмол қилади.
«Авваллари, мен қандай қилиб нонуштага сабзавот ейиш мумкин, деб ўйлардим. Лопес бўлса нонушта, тушлик ва кечки овқат учун ҳам сабзавот ва тухум истеъмол қилиши мумкин», – дейди Келвин.
Ошпаз бир неча маротаба рационга ўзгартириш киритишни, мазали ва калорияси кам таомлар тайёрлашни истаган, лекин хонанда белгиланган рациондан бошқа таом ва егуликларни ейишни қатъий рад қилган. Қўшимча қилинишича, Женнифер ҳатто ширинлик ва тансиқ таомлардан ҳам ўзини тияди.
Изоҳ (0)