АҚШнинг Афғонистон масалалари бўйича махсус вакили Залмай Ҳалилзод 5 май куни «Толибон» ҳаракати аъзолари билан келишувлар ижросини муҳокама қилиш учун Доҳага жўнаган. Бу ҳақда АҚШ давлат департаменти матбуот хизматига таяниб, Reuters хабар қилган.
«Ҳалилзод Доҳада ‘Толибон’ ҳаракати вакиллари билан учрашади ҳамда АҚШ ва ‘Толибон’ ўртасидаги келишувларга амал қилиш масалаларини муҳокама қилади», – дейилган департамент пресс-релизида.
Шундан кейин Ҳалилзод Нью-Деҳли ва Исломободга боради, у ерда ҳам Афғонистондаги вазият муҳокама этилади.
Февраль ойи охирида Қатарда ўтган АҚШ ва «Толибон» ҳаракати ўртасидаги музокараларда 18 йилдан узоқ давом этган урушдан кейин тинчлик битими имзоланган ва унда 14 ой ичида Афғонистон ҳудудидан хориж давлатлари қўшинларини олиб чиқиш ва март ойида мамлакат ҳудудида асирлар алмашиш бўйича музокара олиб бориш кўзда тутилганди.
Мавзуга доир:
Аввалроқ «Толибон» ҳаракати аъзоларининг 300 нафар аъзоси озод қилинган, бунга жавобан Афғонистон жанубидаги Қандаҳор вилоятида 20 нафар асир Халқаро Қизил Хоч қўмитасига топширилганди.
Изоҳ (0)