«Тахтлар ўйини» сериалидаги Григор Клиган («Тоғ») роли билан машҳур исландиялик актёр ва спортчи Хафтор Бьёрнссон штанга кўтариш бўйича жаҳон рекордини ўрнатди. Бу ҳақда Esquire хабар бермоқда.
Аввалги рекорд британиялик Эдди Холлуга тегишли бўлиб, у 2016 йилда роппа-роса ярим тоннани кўтарган эди.
Ҳозирча Бьёрнссоннинг янги рекорди ҳисобга олиниш-олинмаслиги номаълум. Чунки у 501 кг тошни расмий мусобақада эмас, Исландиядаги ўз спорт залида кўтарди.
Хафтор Бьёрнссон 2018 йилда дунёнинг энг кучли одами унвонига сазовор бўлган. Бундан ташқари, у бир неча марта Европанинг энг кучли одамига айланган.
Изоҳ (0)