«Gazeta.uz» нашри Сирдарё вилоятидаги Сардоба сув омборида тўғон бузилиши оқибатида атрофга сув тошиши сабаб талафот етган ҳудудда бўлиб, у ердан фоторепортаж тайёрлаган.
Фотосуратларда сув тошқини оқибатида одамлар хонадонларигача бўлган ҳудудлар, шунингдек, минглаб техника жалб қилинган тўғон ёриғини тиклаш ишлари акс этган.
Аввал хабар қилинганидек, тошқин юз берган жойда 2 та бригада ташкил этилиб, тўғон ёриғининг чап ва ўнг қирғоқларида жадал иш олиб борилмоқда: катта харсанглар, бетон блоклар ва плиталар, бошқа тегишли қурилиш материаллари келтирилиб, тўғон олдида ярим айлана шаклида тўсиқ девор қурилмоқда. Ишчи-муҳандислар, ҳайдовчилар учун барча шароит яратилиб бўлиб, улар кеча-ю кундуз ишлашмоқда.
Сирдарёда 1 май тонгда Сардоба сув омбори тўғони пикетларидан бирининг ёрилиб кетиши оқибатида сув тошқини юз берган: тошқин Сирдарё вилоятининг Сардоба, Оқолтин ва Мирзаобод туманлари аҳоли пунктлари ва экинзорларига зарар етказган, 2 май ҳолатига кўра, 70 мингга яқин аҳоли хавфсиз ҳудудга кўчирилган, камида 56 киши турли тан жароҳатлари билан касалхоналарга ётқизилган.
Мавзуга доир:
Хусусан, Қашқадарё ва Андижон вилоятларидан ҳам ёрдам юклари юборилган. Шунингдек, Фарғона водийсидан Сирдарё ва Бухорога кўмак карвонлари юборилгани ҳақида хабар берилган.
Шавкат Мирзиёев 3 май куни яна Сирдарёга борган ва Сардоба сув омбори ҳудудидаги тиклаш-таъмирлаш ишлари билан танишган, тумандаги «Қўрғонтепа» маҳалласини бориб кўрган, Оқолтин ва Мирзаобод туманларида бўлиб, аҳоли билан суҳбат қилган.
Изоҳ (0)