“Gazeta.uz” nashri Sirdaryo viloyatidagi Sardoba suv omborida to‘g‘on buzilishi oqibatida atrofga suv toshishi sabab talafot yetgan hududda bo‘lib, u yerdan fotoreportaj tayyorlagan.
Fotosuratlarda suv toshqini oqibatida odamlar xonadonlarigacha bo‘lgan hududlar, shuningdek, minglab texnika jalb qilingan to‘g‘on yorig‘ini tiklash ishlari aks etgan.
Avval xabar qilinganidek, toshqin yuz bergan joyda 2 ta brigada tashkil etilib, to‘g‘on yorig‘ining chap va o‘ng qirg‘oqlarida jadal ish olib borilmoqda: katta xarsanglar, beton bloklar va plitalar, boshqa tegishli qurilish materiallari keltirilib, to‘g‘on oldida yarim aylana shaklida to‘siq devor qurilmoqda. Ishchi-muhandislar, haydovchilar uchun barcha sharoit yaratilib bo‘lib, ular kecha-yu kunduz ishlashmoqda.
Sirdaryoda 1-may tongda Sardoba suv ombori to‘g‘oni piketlaridan birining yorilib ketishi oqibatida suv toshqini yuz bergan: toshqin Sirdaryo viloyatining Sardoba, Oqoltin va Mirzaobod tumanlari aholi punktlari va ekinzorlariga zarar yetkazgan, 2-may holatiga ko‘ra, 70 mingga yaqin aholi xavfsiz hududga ko‘chirilgan, kamida 56 kishi turli tan jarohatlari bilan kasalxonalarga yotqizilgan.
Mavzuga doir:
Xususan, Qashqadaryo va Andijon viloyatlaridan ham yordam yuklari yuborilgan. Shuningdek, Farg‘ona vodiysidan Sirdaryo va Buxoroga ko‘mak karvonlari yuborilgani haqida xabar berilgan.
Shavkat Mirziyoyev 3-may kuni yana Sirdaryoga borgan va Sardoba suv ombori hududidagi tiklash-ta’mirlash ishlari bilan tanishgan, tumandagi “Qo‘rg‘ontepa” mahallasini borib ko‘rgan, Oqoltin va Mirzaobod tumanlarida bo‘lib, aholi bilan suhbat qilgan.
Izoh (0)