Туркия ҳамкорлик ва мувофиқлаштириш агентлиги (TIKA) коронавирусга қарши кураш доирасида Ўзбекистон тиббиёт ходимларига тиббий ҳимоя анжомларини тақдим этди. Бу ҳақда «Дарё»га Туркия элчихонаси матбуот хизмати маълум қилди.
Туркия элчиси Меҳмет Сурейя Эр ва TIKA Тошкент дастури координатори Жамалеттин Туней иштирок этган хайрия тадбирида Ўзбекистон Инновацион соғлиқни сақлаш миллий палатасига, TIKA томонидан етказиб берилган 5 мингта ҳимоя кийимлари, тиббий ниқоблар, юз ҳимоя воситалари, қўлқоплар ва кўзойнаклардан иборат тиббий анжомлар тақдим этилган.
Туркия элчиси Ўзбекистон ҳукумати томонидан касалликнинг тарқалишига қарши курашиш бўйича кўрилаётган чора-тадбирлар юқори даражада ва ўз вақтида амалга оширилганлигини таъкидлади.
Ўзбекистон Республикаси Инновацион соғлиқни сақлаш миллий палатаси раиси Равшан Изамов Ўзбекистонга кўрсатилаётган тиббий ёрдам учун миннатдорчилик билдирди.
Айни пайтда Ўзбекистонда коронавирусга чалинганлар сони 2046 нафарни ташкил қилмоқда.
Изоҳ (0)