Енгил вазн тоифасида UFC чемпиони Ҳабиб Нурмагомедов UFC 249 доирасида кечадиган Тони Фергюсон ва Жастин Гэтжи ўртасидаги жангда кимни фаворит деб билиши маълум бўлди.
Бу ҳақда унинг менежери Али Абдулазиз маълум қилди.
«Ҳабиб бўлажак рақиби Гэтжи бўлишига ишончи комил. У Жастин Тонини нокаутга учрата олишига ишонади. Шу билан бирга, унинг фикрича, бу Гэтжи учун оғир жанг бўлади», — дейди Абдулазиз.
Фергюсон—Гэтжи қарама қаршилиги ғолиби сентябрь ойида Нурмагомедовга қарши жангда иштирок этиши кутилмоқда.
Эслатиб ўтамиз, UFC 249 мусобақаси 18 апрель куни Нью-Йоркда бўлиб ўтиши режалаштирилган ва унга кўра, асосий жанг енгил вазн чемпиони Ҳабиб Нурмагомедов ва Тони Фергюсон ўртасида бўлиб ўтиши керак эди. Аммо Ҳабиб Россиядаги карантин сабаб мусобақада иштирок этолмайдиган бўлди ва унинг ўрнини Жастин Гэтжи эгаллади.
UFC 249 мусобақаси 9 май куни Флорида штатидаги Жексонвилл шаҳрида бўлиб ўтади.
Изоҳ (0)