Анжелина Жоли Time журналига изоляция вақтида нималарга эътибор бериш кераклиги ҳақида маълумот берди. Elle нашрининг ёзишига қараганда, актриса фарзандлар билан биргаликдаги изоляция ҳар қандай ота-она учун ҳам ҳақиқий синов бўлиши мумкинлиги, аммо бу борада инсон ўзига нисбатан ортиқча талабчан бўлиши керакмаслигини таъкидлаган.
Анжелинанинг айтишича, ҳар доим ҳам ўзини босиқ тутиш ва кулиб туришнинг иложи йўқ. «Пандемия авжига чиққан бир вақтда фарзандлари билан вақт ўтказаётган ота-оналар ҳақида ўйлаяпман. Улар ҳамма нарсани тўғри бажаришга, барча эҳтиёжларни қондиришга ва ҳаммаси тинч ва ижобий бўлишига умид қилмоқдамиз. Мен бу вақтда бир нарсани тушуниб етдим — бу иложсиз».
Унинг таъкидлашича, зурриёдлар ота-онасидан қаҳрамонлик кутмайди. «Фарзандингизга сиздан бенуқсонлик эмас ҳаққонийлик керак. Сизнинг заифлигингизни билган фарзанд, келажакда янада кучлироқ бўлади, сизга ёрдам беришни истайди».
Аввалроқ, Жолининг карантин вақтида фарзанд тарбияси ҳақидаги фикрлари Time нашрида эълон қилинганди. Унда актриса эпидемиянинг яширин рисклари, хусусан, болаларга нисбатан оиладаги зўравонликнинг кўпайиши ва мактабда ўқиш қобилиятининг пасайиши ҳақида фикр билдирган.
Изоҳ (0)