Америкалик ҳип-ҳоп қўшиқчи Канье Уэст Forbes экспертлари томонидан миллиардер деб тан олинди. Нашр рэпернинг бойлигини 1,3 миллиард долларга баҳолаган.
Миллиардер мақомини расман бериш тўғрисидаги қарор рэпер ўзининг молиявий ҳисоботларини эълон қилгандан сўнг қабул қилинган. Журналистлар Уэстга тўлиқ эгалик қиладиган Yeezy маркасини сердаромад деб ҳисобламоқда. Экспертлар бренднинг Adidas компанияси билан боғлиқлигини ҳисобга олиб, уни 1,3 миллиард долларга баҳолаган.
Бироқ Уэстнинг ўзи экспертларнинг ҳисоб-китобига қўшилмаган. «Миллиард эмас, 3,3 миллиард доллар, чунки Forbes’да ҳеч ким ҳисоблашни билмайди», — деган рэпер.
Уэст ўзининг миллиардер эканлигига Forbes’ни анчадан буён ишонтиришга ҳаракат қилиб келади. «Мен уларга 890 миллион долларлик чекни кўрсатдим, улар бўлса ҳали ҳам мени миллиардер демаяпти», — дейди Уэст.
2019 йил якунларига кўра, Канье Уэст илк бор Forbes’нинг энг сердаромад рэперлар рейтинги пешқадамига айланганди.
Изоҳ (0)