Россиянинг Владивосток шаҳрида «Қуш сути» конфети рецепти ва тайёрланиш техникаси муаллифи Анна Чулкова 87 ёшда вафот этди, деб хабар берди Meduza.
Анна Чулкова Владивосток қандолат фабрикасида 1950 йилдан, 16 ёшидан ишлаган.
1967 йилда СССР саноат вазирлиги қандолатчилар олдига Польша ва Чехияда ишлаб чиқариладиган конфетга ўхшаш, ичида суфле бўлган конфет яратиш топшириғини қўйди.
Натижада «қуш сути»нинг энг муваффақиятли рецептини Анна Чулкова ўйлаб топди. Ушбу конфет СССР давридаги энг оммабоп ширинликлардан бирига айланди. Ушбу рецепт учун Чулкова Ленин мукофотини қўлга киритган.
Чулкова фаолияти давомида жами 100 га яқин қандолат маҳсулотларини яратган. Хусусан, «Олтин шох», «Комета», «Метеорит» ҳамда «Орзу» шоколад ва вафлили тортини ҳам Чулкова яратган.
Анна Чулкова социал меҳнат қаҳрамони, СССР давлат мукофоти, Октябрь революцияси ордени билан тақдирланган.
Мавзуга доир: «Том ва Жерри» мултипликатори 95 ёшида вафот этди
Изоҳ (0)