Россиянинг 82 минтақасида ўтган бир сутка ичида коронавирус билан касалланиш бўйича яна 5849 та ҳолат қайд этилди. Бу ҳақда мамлакатнинг коронавирусга қарши курашиш бўйича тезкор штаби хабар берди.
Бутун мамлакат бўйлаб коронавирусга чалинганларнинг жами сони 68 622 кишига етган.
Ўтган бир сутка ичида Россияда COVID-19 ташхиси қўйилган 60 бемор вафот этган. Шундай қилиб, мамлакатда пандемия бошланганидан буён коронавирус оқибатида вафот этганлар сони 615 кишига етди.
Шунингдек, ўтган бир сутка ичида 677 кишига шифохонадан жавоб берилган, даволанишга муваффақ бўлганларнинг жами сони 5568 кишини ташкил этмоқда.
Аввалроқ Москва шаҳри расмийлари коронавирус тарқалишига қарши курашиш учун шаҳарга ҳарбий бўлинмаларни киритишни истамасликларини билдирган эди. Шу билан бирга, Москва мэри коронавирус белгилари бор шахслар билан яшаётганларнинг кўчага чиқишига рухсат берган.
Сўнгги маълумотларга кўра, бутун дунёда 2,7 миллиондан ортиқ одамда COVID-19 аниқланган, 190 минг бемор вирус қурбонига айланган.
Мавзуга доир: Кремль Хитой коронавирусга оид маълумотларни яширгани тўғрисида далиллар йўқлигини билдирди
Изоҳ (0)