АҚШ Конгресси коронавирус пандемияси сабаб иқтисодиётни қўллаб-қувватлашга 484 миллиард доллар ажратиш тўғрисидаги дастурни маъқуллади, деб хабар беради The New York Times.
Таъкидланишича, аввалроқ АҚШ Сенати ҳам ушбу лойиҳани маъқуллаган.
Қонун лойиҳасига кўра, 320 миллиард долларга яқин маблағ кичик корхоналарга ёрдам бериш мақсадида яратилган Paycheck Protection Program (PPP) кредитлаш дастурини молиялаштиришга йўналтириш режалаштирилган. Бундан ташқари, 75 миллиард доллар шифохоналарга, яна 25 миллиард доллар коронавирус бўйича тестлар дастурини кенгайтиришга ажратилади.
Конгресс томонидан маъқулланган қонун лойиҳаси АҚШ президенти Дональд Трампга тақдим этилади.
Март ойининг охирларида АҚШ Сенати коронавирусга қарши 2 триллион долларлик ёрдам дастурини маъқуллагани тўғрисида хабар қилинганди. АҚШ ғазначилиги эса пандемия шароитида фуқароларга моддий ёрдам тариқасида тарқатиладиган чекларда мамлакат президенти Дональд Трампнинг исмини кўрсатиш бўйича топшириқ берган.
Мавзуга доир: Жаҳон банки Ўзбекистонни инқирозга қарши курашда қўллаб-қувватлаш учун 1,2 млрд доллар ажратиш масаласини кўриб чиқмоқда
Изоҳ (0)