Rossiyaning Vladivostok shahrida “Qush suti” konfeti retsepti va tayyorlanish texnikasi muallifi Anna Chulkova 87 yoshda vafot etdi, deb xabar berdi Meduza.
Anna Chulkova Vladivostok qandolat fabrikasida 1950-yildan, 16 yoshidan ishlagan.
1967-yilda SSSR sanoat vazirligi qandolatchilar oldiga Polsha va Chexiyada ishlab chiqariladigan konfetga o‘xshash, ichida sufle bo‘lgan konfet yaratish topshirig‘ini qo‘ydi.
Natijada “qush suti”ning eng muvaffaqiyatli retseptini Anna Chulkova o‘ylab topdi. Ushbu konfet SSSR davridagi eng ommabop shirinliklardan biriga aylandi. Ushbu retsept uchun Chulkova Lenin mukofotini qo‘lga kiritgan.
Chulkova faoliyati davomida jami 100 ga yaqin qandolat mahsulotlarini yaratgan. Xususan, “Oltin shox”, “Kometa”, “Meteorit” hamda “Orzu” shokolad va vaflili tortini ham Chulkova yaratgan.
Anna Chulkova sotsial mehnat qahramoni, SSSR davlat mukofoti, Oktabr revolyutsiyasi ordeni bilan taqdirlangan.
Mavzuga doir: “Tom va Jerri” multiplikatori 95 yoshida vafot etdi
Izoh (0)