Коронавирус пандемияси ва унга қарши қўлланилган чеклов чоралари Европадаги ишбилармонлик муҳитини бузиб юборди, оқибатда қитъа энг ёмон ойни ўтказгани маълум бўлди. Бу ҳақда Англиядаги IHS Markit агентлиги маълумотига таяниб, The Wall Street Journal хабар берган.
Тадқиқот натижаларига кўра, коронавирус инфекциясига қарши кураш чора-тадбирлари иқтисодиёт тармоқларига жиддий зарба берган, бу ерда одамларнинг уйда ўтиргани ва омма ташриф буюрадиган жойларнинг ёпилгани (ресторанлар, гўзаллик салонлари ва бошқа масканлар) асосий омиллардан.
Аввалги жаҳон инқирози вақтида ҳам фаоллик индекси бу қадар пастга қуламаганди. PMI берган кўрсаткичларга кўра IHS Markit тузган ишбилармонлик фаоллиги Европа Иттифоқи ҳудудида апрель ойида 29,7 дан 13,5 поғонага пастлаган. PMIдаги кўрсаткичлар 50 поғонадан пастлаши бу соҳадаги ишбилармонлик фаоллигининг қулаганини, юқорилаши эса унинг ўсганини англатади.
IHS Markit’нинг бизнес бўйича бош иқтисодчиси Крис Уильямсонга кўра, коронавирусга қарши кураш чоралари туфайли дунёда талабнинг кескин тушгани, ходимлар ҳамда ресурслар етишмаслиги Европа давлатлари иқтисодига жиддий зиён етказган.
Буюк Британияда PMI 12,9 пунктга (март ойида 36,0 қатор эди) қулаган ва бу антирекорд. Германияда қулаш 17,1 қатор бўлишига эришилди (март ойида 35,0). Франция энг ёмон натижа кўрсатган — 10,4 қатор (мартда 27,4 эди)
Оxford Economics компанияси иқтисодчиси Рози Колторп коронавирус тарқалишига қарши кўрилган чоралар иқтисодиёт учун кутилганидан ҳам ёмонроқ таъсир қилганини айтиб ўтган.
Мавзуга доир: Fitch дунё иқтисодиётида ЯИМ қулаши ҳақидаги прогноз икки бараварга ёмонлашганини эълон қилди
J.P. Моrgan эскпертлари иккинчи чорак якунида Европа Иттифоқи ҳудудида ЯИМ қулашини 45 фоиз деб баҳоламоқда. Буюк Британия иқтисодиёти 59,3 фоизга қисқаради, Японияники —35 фоизга. Жанубий Кореяда январь-март ойларида ЯИМ 2019 йил октябрь-декабрь ойларидагига нисбатан 1,4 фоизга паст бўлган.
Изоҳ (0)