Коронавирусдан соғайган британиялик актёр Идрис Эльба БМТ билан ҳамкорликда чекка ҳудудларда яшовчи аҳолига коронавирус пандемияси билан курашишда ёрдам берувчи жамғармага асос солди, деб ёзади The Hollywood Reporter.
Актёрнинг сўзларига кўра, кам даромад топадиган ва чекка ҳудудларда яшайдиган аҳоли кўпинча эътибордан четда қолади.
«Тасаввур қилинг, сиз номини ҳеч ким билмайдиган чекка қишлоқда, битта хонасида олти киши турадиган уйда яшайсиз. Бундай шароитда ижтимоий масофаланишнинг иложи йўқ», — дейди Эльба.
Шунингдек, Эльбани қашшоқ Африка мамлакатлари коронавирус пандемиясини қандай ўтказиши ташвишга солмоқда.
Ўзи ва рафиқасининг келиб чиқиши Африкага бориб тақалади. Пандемияга қадар улар Африкага хайрия мақсадида бориб келган эди.
Ҳозир актёр ва унинг рафиқаси коронавирусни бошдан кечирган Нью-Мексикода яшаяпти. Бироқ улар имкон бўлиши билан Лондонга кетишни режалаштирмоқда.
«Ўйлашимча, дунё мамлакатлари ҳар йили карантин ҳафталигини ўтказиб, мана шу даврни, бир-бирини эслаши керак», — дейди Эльба.
Изоҳ (0)