Ёзувчи Тоҳир Малик асари асосида суратга олинган «Шайтанат» сериалининг 20 та қисми Zo‘r TV’да намойиш этилди. Якунловчи 21-қисмни телеканал намойиш этмади.
«Шайтанат» режиссёри ва продюсери, Ўзбекистон халқ артисти Ёдгор Саъдиев «Дарё»га берган изоҳида 21-қисм карантиндан сўнг кинотеатрда намойиш этилишини маълум қилди.
«Кўпчилик кутаётган 21-қисм ҳали тайёр эмас. Карантиндан кейин монтаж ва овоз бериш жараёнларини охиригача етказамиз. Сўнгра Алишер Навоий номли киносаройда актёрларни йиғиб, премьера қилиб берамиз», — деди Ёдгор Саъдиев.
Сериалнинг 21-қисми илгари ҳеч қаерда намойиш этилмаган. Аммо унинг трейлери бир неча йил олдин интернетда пайдо бўлган. 21-қисмда Улуғбек Қодиров ҳамда Нозим Тўлахўжаев сингари актёрлар роль ижро қилган. Якунловчи қисм катта экранларга чиққунча унинг трейлерини томоша қилиб туринг.
«Шайтанат» сериали воқеалари ўтган асрнинг 80 йилларида бўлиб ўтади ва ундаги қаҳрамонларнинг барчаси тўқима образ ҳисобланади.
Изоҳ (0)