Жонс Ҳопкинс университети маълумотларига кўра, бутун дунёда коронавирус оқибатида вафот этганлар сони 170 минг кишидан ошиб кетди, касалланганлар эса 2,5 миллион кишига яқинлашмоқда.
Қайд этилишича, айни пайтда дунё бўйича касалланганларнинг умумий сони 2 478 534 кишини ташкил этмоқда, 170 389 киши вафот этди, 645 мингдан ортиқ бемор тузалди.
Қурбонларнинг юз мингдан ортиғи бешта давлат ҳисобига тўғри келмоқда — АҚШ (42,3 минг), Италия (24,1 минг), Испания (20,8 минг), Франция (20,2 минг) ва Буюк Британия (16,5 минг).
Ўзбекистонда эса 21 апрель соат 10:00 ҳолатига кўра, коронавирус инфекциясини юқтириб олганлар сони 1657 кишига етди. Мамлакатда 15 мартдан буён коронавирусга чалинган беморларнинг 5 нафари вафот этди, 261 нафари эса соғайиб, реабилитацияга олинган. Хорижда 73 ўзбекистонликда коронавирус аниқланган (энг кўпи — 42 нафари — Россияда), уларнинг тўрт нафари вафот этган.
Изоҳ (0)