Қадди-қоматнинг чиройли бўлишига исталган ёшда ҳам эришиш мумкин. Фақат бунинг учун шунчаки хоҳишнинг ўзи билан чекланмасдан ҳаракат қилиш керак. Cosmopolitan нашри икки ҳафта давомида қориндаги ёғни кетказишга ёрдам берадиган 5 тавсия билан бўлишади.
Нонуштадан аввал жисмоний тарбия билан шуғулланинг
Аслида нонуштадан аввал сайр қилиш тавсия қилнади, лекин ҳозирги карантин вақтида эмас. Шундай экан, тонгги сайр ўрнига енгил жисмоний тарбия машқлари билан шуғулланинг. Машқларни бажаришдан аввал дераза пардаларини очиб, хонани тоза ҳаво билан таъминлашни унутманг. Машғулотни шундай ташкил қилингки, еган овқатингизга яраша энергия сарфлансин. Тонгги машқлар кун бўйи ўзингизни яхши ҳис қилишингиз ва тетик бўлишингизга ёрдам беради ҳамда юрак қон-томир касалликларидан профилактика саналади.
Нонуштангиз донли маҳсулотлардан иборат бўлсин
Энг яхши нонушта бу — сули ёрмасидан тайёрланган бўтқа ва унга қўшилган барра мевалар ҳисобланади. Сули таркибида клечаткалар кўп бўлиб, овқат ҳазм қилиш системасининг яхшиланишида аҳамиятли. Сули ёрмаси билан тутилган парҳез озишга кўмаклашади, ҳазм қилиш жараёнида ёрдам беради, тўқликни сақлайди, бунинг натижасида киши озиши осонлашади.
Қизил мевалар истеъмол қилинг
Қизил маҳсулотларда учрайдиган озуқа моддалари флавоноид деб аталади. Улар ёғ тўпланиши учун жавоб берадиган генлар фаолиятига таъсир қилади. Шу боис рационингизда қизил мевалар қанча кўп бўлса, организмда ёғ миқдори шунча секин кўпаяди.
Авакадо енг
Кўпчилик авакадода калория кўп экани сабаб уни истеъмол қилишдан чўчийди, аслида эса ушбу фойдали мева озишга ёрдам беради. Ҳафта давомида авакадо истеъмол қилиб, 3 килограмм вазн ташлаш мумкин. Унинг таркибидаги моддалар холестеринни камайтириб, очлик ҳиссини тўхтатиш хусусиятига эга.
Тухум ейишни канда қилманг
Тухум оқсил манбаи саналади, организмни керакли моддалар билан таъминлайди. Тухум тановвул қилиш натижасида тери остидаги ёғ камаяди. Таркибида инсон учун керак бўлган барча витаминлар бор. Тухум оқсил жиҳатидан гўшт ўрнини боса олади. Парҳез тутувчилар ва вазн ташлашни истаганларнинг кундалик озуқасига тухум киритилиши тавсия этилади.
Карантинда янада ортиқча вазн тўплашни истамасангиз, зерикканингизда эмас, оч қолганингизда овқатланинг. Ҳар куни керакли миқдорда сув ичишни канда қилманг ҳамда кечки овқатни мева ва сабзавотлар билан алмаштиринг.
Изоҳ (0)