Бу ҳақда 20 апрель, душанба куни, АОКА штабида Мудофаа вазирлиги ахборот хизмати раҳбари Баҳром Зулфиқоров иштирокида бўлиб ўтган брифингда хабар берилди.
Фуқародан келиб тушган саволда бир ойлик ҳарбий хизматни ўтамоқчи бўлган шахслар апрель ойида 27 ёшга тўлса, пандемия сабабли уларга кейинроқ ҳарбий хизматни ўташ учун имкон яратилиши масаласи сўралган.
Мавзуга доир: Ўзбекистонда армияга чақирув вақтинча қолдирилди
«Бу масала кўриб чиқилиб, қарор қабул қилингандан сўнг унинг натижалари жойлардаги мудофаа ишлари бўлимлари орқали фуқароларга етказилади», — дейди Баҳром Зулфиқоров.
Аввалроқ Мудофаа вазирлиги бир ойлик хизматга пулини тўлаб қўйган фуқароларнинг пуллари қайтариб берилмаслигини маълум қилган эди. Шунингдек, Ўзбекистонда ҳарбий хизмат учун ўтказилган тиббий кўрик натижалари 3 ойгача ўз кучида қолиши, муддат ўтган ҳолларда фуқаролар карантин тугаганидан сўнг қайтадан тиббий кўрикка мурожаат қилиши таъкидланди.
Изоҳ (0)