Бу ҳақда АОКА ҳузурида ташкил этилган штабдаги брифингда Соғлиқни сақлаш вазирлиги ҳузуридаги Коронавирусга қарши кураш штаби аъзоси Ҳабибулла Оқилов маълум қилди. Бу ҳақда «Дарё» мухбири хабар бермоқда.
Айни пайтгача Ўзбекистонда 100 мингдан ортиқ инсон коронавирус бўйича тестдан ўтказилгани, яқин вақт ичида ушбу рақамлар ярим миллионга етказилиши режалаштирилгани айтилди. Шунингдек, вируснинг енгил ёки оғир кечиши қон гуруҳи ва резус-факторга боғлиқ эмаслиги таъкидланди.
Мавзуга доир: Ўзбекистонда карантин тартиби 10 майга қадар узайтирилди
Ҳабибулло Оқилов коронавирус диагнози билан даволаниш, айниқса реанимацион ҳолатларда арзон бўлмаслиги, асосийси шундаки, Ўзбекистонда коронавирус билан боғлиқ барча харажатлар давлат томонидан қопланиши, бемор учун барча карантин ҳудудларида карантинда сақланувчи фуқаролар учун бепул эканлигини эслатиб ўтди.
Маълумот учун, 18 апрель куни Ўзбекистонда коронавирус инфекциясини юқтириб олиш билан боғлиқ 85 та янги ҳолат тасдиқланди. Таққослаш учун, 13 апрель куни 133 та, 14 апрель куни 167 та, 15 апрель куни 137 та, 16 апрель куни 47 та, 17 апрель куни эса 56 та ҳолат аниқланган эди.
Хорижда 73 ўзбекистонликда коронавирус аниқланган (энг кўпи — 42 нафари — Россияда), уларнинг тўрт нафари вафот этган.
Изоҳ (0)