Бугун,

  • USD 11095.31
  • RUB 173.84
  • EUR 10772.44

Украина президенти Владимир Зеленский «Савик Шустернинг сўз эркинлиги» ток-шоусида украиналикларни карантин даврида «омон қолиш» учун тайёргарлик кўришга чақирди, деб хабар беради «Dialog.ua».

Фото: «Dialog.ua»

Фото: «Dialog.ua»

Нашрнинг таъкидлашича, Украина президенти чиқишининг асосий қисми карантин вақтидаги иқтисодий чораларга бағишланган. «Афсуски, пул чоп этадиган принтеримиз йўқ», — деган Зеленский. Унинг сўзларига кўра, ҳозирда давлатнинг бор кучи украиналикларнинг карантин даврида омон қолиши учун йўналтирилган.

«Очиқчасига айтаман,  ҳозирда бизнинг вазифамиз — қулайлик яратиш эмас, омон қолиш. Нон, ёғ, сут, ун бўлса омон қоламиз. Коронавирусдан ўтиб ўлсак, 1-1,5 ойда яна йўлга тушиб оламиз», — дейди Зеленский.

Украина президентининг қайд этишича, биринчи навбатда аҳолининг иқтисодий жиҳатдан энг заиф қатлами — нафақахўрлар қўллаб-қувватланади. Улар учун бир қатор дастурлар ишлаб чиқилган, хусусан, 1000 гривнадан (37 доллар) тўлаш, 80 ёшдан катталар учун яна қўшимча 500 гривна бериш, пенсиялар индексацияси ва ҳоказо.

Шунингдек, Зеленский ўрта ва кичик бизнесни, ишсизларни қўллаб-қувватлашга ҳам ваъда берган.

Зеленскийнинг яна бир бор таъкидлашича, Украинада Халқаро валюта фонди (ХВЖ) кредитларисиз дефолт юз бериши натижасида оғир иқтисодий оқибатлар юзага келиши мумкин. «Халқаро валюта жамғарасининг ёрдами бор экан, нега дефолт билан таваккал қилишимиз керак? Бошқа вақт бўлганида ўйлаб кўрардик: фойдалими ёки йўқ, бироқ ҳозир бу организм учун қондек зарур», — дейди президент.

Зеленскийнинг сўзларига кўра, Украинага ХВЖдан ташқари Германия, Озарбайжон, БАА ва АҚШ пул беришга тайёр. Бироқ улар ХВЖнинг сигналисиз қадам ташлашга жазм этмайди.

Эслатиб ўтамиз, март ойининг ўрталарида Владимир Зеленский коронавирусга қарши кураш учун бизнесменлардан 500 миллион доллар сўраган эди.

Изоҳ
Асосий янгиликлар
Кино
Роли сабаб томошабинлар танқиди ва ғазабига учраган машҳур актёр ва актрисалар (фото)
Маҳаллий
Ўзбекистонда 25 ноябрь куни 124 кишида коронавирус аниқланди
Дунё
Путиннинг аскарлар оналари билан учрашуви фейкми? Ушбу учрашувда аслида кимлар қатнашгани маълум бўлди