Россиядаги компанияларнинг бири томонидан коронавирусни даволашда ишлатиладиган препарат ишлаб чиқилди. Бу ҳақда Россия Федерацияси соғлиқни сақлаш вазири Михаил Мурашконинг баёнотига таяниб, «РБК» хабар берди.
«Маҳаллий компаниялардан бири хорижлик ҳамкасбларимиз томонидан бир нечта давлатда тест қилинган препаратни ишлаб чиқди. Бу тўлиқ Россия аналоги», — деган Мурашко. Соғлиқни сақлаш вазирининг сўзларига кўра, клиник синовлар учун алоҳида партия тайёр қилинган. Ҳукумат вакили яқин 10-12 сутка ичида мутахассислар клиник синовларгача бўлган тадқиқотлар хулосасини беришини айтди.
Вазир ўзи раҳбарлик қилаётган идоранинг мамлакатда айрим дорилар танқислиги кузатилиши мумкинлигини тахмин қилгани, шу сабабли Россияда 17 турдаги препаратларга чекловлар қўйилганини билдирди. Мурашко ушбу дори воситаларини назоратга олиш лозимлигини таъкидлаган.
«Россия ҳудудида қўшимча тарзда рўйхатга олинмаган препаратларни хориж мамлакатларидан келтириш бўйича Ҳиндистон билан музокаралар олиб борилди», — деган соғлиқни сақлаш вазири. Мурашко гарчи РФ дорилар келишини тақиқлаган бўлса ҳам, Ҳиндистондаги компаниялардан бири Россияга юк етказиб беришга тайёрлигини билдирганини қайд этди.
Аввал «Роспотребнадзор»нинг марказий илмий тадқиқотлар институти директорининг маслаҳатчиси Виктор Малеев дунёда коронавирусга қарши бирдек самарали таъсир қиладиган препарат мавжуд эмаслигини билдирганди. У ҳозирда инфекцияни даволашда бир нечта препаратлардан иборат аралаш услублардан фойдаланилаётганини айтиб ўтган.
Мавзуга доир:
Россияда 13 апрель ҳолатига кўра коронавирус юқтириб олганлар сони 18 минг нафардан ошган, 148 нафар одам инфекция оқибатида вафот этган. Москванинг ўзида касалланганлар сони 11,5 минг нафардан ошган, 82 нафар киши COVID-19 юқтириш оқибатида вафот этган.
Изоҳ (0)