Коронавирус пандемияси сабаб дунё бўйлаб деярли барча спорт мусобақалари тўхтатилди. Шу жумладан, футбол бўйича мусобақалар ҳам. «Дарё» мухлисларнинг талаб ва таклифларини инобатга олган ҳолда дунёнинг энг кучли футболчилари томонидан урилган энг сара голларни тақдим этиб боради. Ушбу лойиҳанинг илк сонида Аргентина терма жамоаси ҳамда «Барселона» клуби ҳужумчиси Лионель Мессининг Европа Чемпионлар Лигаси доирасида урган энг сара голлари тақдим этилади. Голлар рейтинги УЕФА талқинига кўра тузиб чиқилган.
2005 йил, 2 ноябрь|«Барселона»—«Панатинаикос»|
Роналдиньо ва Это’O каби маэстролар тўп тепаётган «Барселона»нинг ҳужум чизиғидан 18 ёшдаёқ ўрин олиш ва ўрин олганда ҳам буни шедевр гол билан амалга ошириш унча-мунча футболчиларнинг қўлидан (оёғидан, бошидан) келмаслиги мумкин. Аммо Лео «Панатаниаикос»га қарши баҳсда бир нечта рақибни кўрдим демай ажойиб гол урганди.2009 йил, 27 май|«Барселона»—«Манчестер Юнайтед»|
Роналдиньо кетиб, жамоанинг асосий етакчисига айланиб улгурган Лео 2009 йил Каталония клубининг Чемпионлар Лигаси финалига чиқишида асосий ролни ўйнади. Шу билан бирга бўйи унча ҳам баланд (1,70 метр) футболчи кимсан Эдвин ван дер Сар дарвозасига боши билан қойилмақом гол киритиб, жамоасининг ғалабасига катта ҳисса қўшганди.2010 йил, 10 октябрь|«Барселона»—«Штутгарт»|
Тўхтатиб бўлмас футболчига айланиб улгурган Лео Чемпионлар Лигасининг 2010/11 йилги мавсуми аввалида тажрибали посбон Йенс Леманни ҳам ўзига хос равишда ранжитганди.2010 йил, 6 апрель|«Барселона»—«Арсенал»|
Лео Арсен Венгер жамоасини шунчаки янчиб ташлашда асосий вазифани бажариб берганди. Унинг иккита голи эса шунчаки ажойиб чиққан, «тўпчилар» посбони Мануэль Алмуния эса шунчаки томошабин вазифасини бажариб берганди.2011 йил, 8 март|«Барселона»—«Арсенал»|
Орадан бир йил ўтиб, Каталония жамоаси яна лондонликларга қарши дуч келди. Ўйиннинг 19-дақиқасида Войтцех Шенсни жароҳат олиб майдонни тарк этди. Унинг ўрнига эса Мануэль Алмуния майдонга тушди. Буни кутиб тургандек, Лео ўйиннинг 45-дақиқасида Андрес Иньестанинг қойилмақом узатмасини жуда чиройли тарзда якунлади.2011 йил, 27 апрель|«Реал»—«Барселона»|
Мухлислар «Арсенал»га қарши баҳсдан сўнг Чемпионлар Лигасида «Эль-Класико» гувоҳига айланди. Лео эса Мадриддаги баҳсда «Реал» ҳимоясини чилпарчин қилиб, кимсан Икер Касилясни шунчаки томошабинга айлантирди.2011 йил, 28 май|«Барселона»—«Манчестер Юнайтед»|
«Барселона» мавсум финалида яна «Юнайтед»га қарши майдонга тушди. Месси эса яна ўз ишини қилди. Бу сафар Лео Эдин ван дер Сар дарвозасини жарима майдончаси ташқарисидан ўққа тутди.2012 йил, 7 март|«Барселона»—«Байер Леверкузен»|
Немис клублари билан ҳам «яхшигина чиқишиб қолган» Лео 2012 йилги мавсумда «Байер» дарвозасига яна ўз услубида гол урди. Лео асосий голларини чап оёқда уради, аммо ўнг оёқда ҳам шедеврларни амалга ошира олади. Айниқса «парашют» услубидагиларини.2013 йил, 18 сентябрь|«Барселона»—«Аякс»|
Йилдан йилга Леонинг тажрибаси ошиб борганига шубҳа йўқ. Буни ҳатто жарима зарбаларида ҳам кўриш мумкин. Месси 2013 йил «Аякс» дарвозасини қойилмақом тарзда забт этгани эса юқоридаги фикримизга яққол исбот.Яна кимларнинг голларини кўришни хоҳлар эдингиз, азиз мухлис? Фикр-мулоҳазаларингизни «Дарё»нинг Telegram’даги @Daryo_Sport канали орқали юборишингиз мумкин.
Изоҳ (0)