Одил Аҳмедов коронавирус, кўршапалак ва Хитой таомлари, Кевин де Брюйне ҳамда Ўзбекистонга қайтиши борасида

Ўзбекистон терма жамоаси ва Хитойнинг «Шанхай СИПГ» клуби ярим ҳимоячиси Одил Аҳмедов Россиянинг Спорт24 нашрига интервью берди.

Коронавирус, Хитойча интизом ва хайрия борасида

— Ҳозир ҳаммага оғир. Шу сабаб Хитойда келиб бу ердан Ўзбекистонга шифокорлар ва касалхоналар учун керакли буюмларни юбордим. Керак бўладиган барчасини жўнатдик: қўлқоплар, ниқоб, кўзойнак ва кўплаб бошқа воситалар.

— Коронавирус фақат Хитойни эмас бутун дунёни эгаллашини кутганмидингиз?

— Бутун дунё бундан азият чекади деб ўйламагандим, албатта. Илк кунлари Ухандаги вирус ҳақида гапирилганда ҳеч ким унинг бу қадар глобал тус олишини кутмаганди.

Мен коронавирус Ухандаёқ тўхтайди деб ўйлагандим. Бироқ, афсуски, бир ҳафта ўтиб бутун Хитой жабр кўрди. Бу ерда кўпчилик вирус Хитойдан ташқарига чиқмайди деб ўйлаганди. Бироқ энди ҳамма хавф остида... Бу даҳшатли ва қўрқинчли.

— Хитойда рекорд вақт ичида шифохоналар ва тиббий марказлар қуриб битказилди...

— Ҳукумат ва давлат нима деса, фуқаролар бунга амал қилади. Карантин дейилдими — барча хитойлик уйда ўтиради. Ўйлашимча, Хитой мана шу сабаб коронавирусни енгишга муваффақ бўлди. Фақат карантин орқали инфекцияни йўқотиш мумкин. Хитойда буни дарҳол тушунишди.

Мен илк кунларни яхши эслайман, Ўзбекистонга кетаётган вақтим аэропорт йўлида бирорта ҳам машина йўқ эди. Мана бу тартиб интизом!

— Ҳозир Хитойдаги ҳолат қандай?

— Ҳаёт аввалги ҳолига қайтди. Кўчаларда халқ кўпайди, ҳамма жой очиқ. Одамларда олдингидек қўрқув йўқ. Ҳа, Шанхай аҳолиси ҳали ҳам ниқобларда юрибди, эҳтиёткорлик қилмоқда, бироқ умумий олганда ҳаммаси жойида.

— Клуб раҳбарияти нима деяпти, Хитой чемпионати қачон бошланади?

— Шанхайга келиб икки ҳафта карантин сақлаб уйда ўтирдим. Ҳозирда машғулотларни тўлиқ олиб боряпмиз. Мавсум қачон бошланиши ҳозирча номаълум. Билишимча, мавсум старт олиши учун — вирус буткул йўқолиши керак. Хитой вирусдан тўлиқ қутулмоқчи. Шундан кейингига футболга навбат. Ўйлашимача, июннинг боши ёки майнинг охирида.

— Ҳозирда кўплаб клублар ходимлар ва футболчиларнинг маошини қисқартирмоқда. Сизларда вазият қандай?

— Айтишларича, маошлар 30 фоизга қисқарар экан. Ҳозирча тўлиқ маълумот йўқ.

Кўршапалак, Хитой овқатлари ва Россияга қайтиш варианти ҳақида

— Хитой — Россия каби жуда катта мамлакат... Бу ерда узоқ парвоз қиласан, кўплаб ўйинлар ўтказасан. Одамлар — ёқимли ва содда. Хитойликлар футболни ёқтиради, чемпионат мавсумдан мавсумга ривожланмоқда. Маҳаллий футболчилар савияли легионерлар ҳисобига тажриба тўпламоқда.

— Хитой чемпионати Россияникидан нимаси билан фарқ қилади?

— Россия футболи бирмунча аёвсиз ва яккакурашга бой, бу ерда эса кўпроқ техника ва комбинацияга асосланган ўйин.

— Хитойда бўш вақтингизни қандай ўтказасиз?

— Асосан уйда бўламан, айланишга жуда кам чиқаман. Китоб ўқиман, кино томоша қиламан, яқинларим билан суҳбатлашаман.

— Кейинги режалар қандай? Сизнинг шартномангиз ҳам декабрь ойида тугайдими?

— Ҳа, шартномам «1+1» кўринишида. Агар ҳаммаси жойида бўлса уни узайтираман.

— Фараз қилинг, сизга Россия чемпионатидан таклиф тушди...

— Энди ёш эмасман, кейинги йили 34 ёшга кираман. Россиядан таклиф бўлади деб ўйламайман. Ҳақиқатга яқин вариант — уйга, Ўзбекистонга қайтиш.

— Хитойда нимага кўникиб бўлмайди?

— Овқатига. Ҳарчанд уринмай, ўзимни бунга мажбур қила олмадим.

— Биз аста секин кўршапалак мавзусига келиб қолдик...

— Бу фараз тўғри эканига шубҳам бор. Кимдир Уханда кўршапалак еб, касаллик юқтириб олиши... Эҳтимоли жуда кам. Эшитишимча, вирус қандайдир лабораториядан чиққан.

— Ҳалк билан тез тез Россия ҳақида гаплашиб турасизми?

— Ҳа, у Россияни соғинганини айтади. Айниқса Санкт-Петербургнинг гўзалликларини соғинади. Унга Питер ёқарди. Шаҳар унинг қалбидан жой олгани кўриниб туради.

— Россиядаги собиқ жамоадошларингиз билан алоқага чиқиб турасизми?

— «Анжи»да Лёша Иванов билан танишганман — яхши йигит, суҳбатлашиб турамиз. «Краснодар»дан эса ўзбек йигити Николай Марков билан. Бори шу, қолганлар билан афсуски, алоқалар узилган.

— Умуман олганда Россия футболини кузатасизми?

— Агар бу ерда жуда кеч бўлиб кетмаса — РПЛни мунтазам кузатиб бораман. Ахир 6 йил Россияда тўп сурганман — ўзинг учун қадрли бўлиб қолган чемпионатни кузатмаслик мумкин эмас.

— «Анжи»даги ҳозирги ҳолатдан хабарингиз борми?

— Албатта. Бу ишлар мени ҳайрон қолдирди — шундай тарих ва мухлисларга эга жамоа бундай ҳолатда қолгани ачинарли. Доғистонда футболни севишади, футбол билан яшашади. Шу сабаб бу ҳудуд учун катта фожиа. Бироқ умид қиламанки, Сулейман Керимовдек одамлар яна топилади ва Доғистонга катта футбол қайтади.

— Хитойдаги бирорта стадион Краснодар аренаси билан тенглаша оладими?

— Йўқ. Хитойдаги ареналар ёмонроқ. Ҳеч бири «Краснодар» стадионига тенг кела олмайди.

Шомуродов, Мамаев ва Кокорин воқеаси, Одил Жуниор ҳақида

— Характер, тезлик, бўй — бу ҳозирда футбол учун жуда муҳим. Унда ҳар доим истеъдод бўлган, шунчаки вақт керак бўлди. Элдор ўз потенциалини кўрсата олди. У топ даражада ҳаракат қилмоқда!

— Ҳозир унга Европадан қизиқиш бор. Элдор АПЛда ўйнаб кета оладими?

— Агар аниқ вариантлар бўлса, кетиш керак. Россия чемпионати энди кучсиз эмас, РПЛда бунча гол уриш осонмас. Шомуродов Европада ўйнашга тайёр.

— Фёдор Смоловда ЖЧ—2018 олдидан «Сельта»дан яхшироқ бир қатор жиддий вариантлар бор эди, 29 ёшда бирданига Ла Лига йўл олиш...

— Ҳаммасининг ўз вақти соати бор, у кетиб тўғри қилди. Федя «Краснодар»даги каби яхши футбол намойиш қила олишига ишонаман. Умид қиламанки, Испанияда ҳам гол уришда давом этади. Бунинг учун унда салоҳият бор.

— Мамаев ва Кокорин ишига муносабатингиз?

— Агар оддий одамлар билан бундай иш содир бўлганда, бу қадар қаттиққўллик кўрсатилмасди. Бироқ ҳаммаси ортда қолди. Йигитлар ўйнашда давом этмоқда — Мамаев учун хурсандман. Кокорин ҳам танаффусдан аввал яхши формага чиққанди.

— Ўзбекистондаги футбол мактабингиз ҳақида гапирсангиз?

— Менда иккита мактаб бор — бири Тошкентда, бошқаси туғилган шаҳрим Наманганда. Аста секин ишлаяпмиз, болаларга барча керакли билимларни беряпмиз. Менинг пайтимда ҳозиргидек шароит ва майдонлар бўлмаган.

Бир қатор иқтидорли футболчиларни эслайман, бироқ улар маҳалладан ташқарига чиқа олмаган. Чунки уларга профессионал футболчи бўлиб етишиш учун шароит ва пул берилмаган. Кўплаб мисолларни биламан, масалан, кўпчиликда Тошкентга бориш ва ўйнаш учун пул йўқ эди. Шу сабаб она шаҳримда футбол мактаби очдим. Барча иқтидорли болалар учун шароитлар текинга қилиб берилади.

— Сизда икки нафар ўғил фарзанд бор. Уларни футболчи қиласизми?

— Менимча, улар футболга қизиқмайди. Агар шундай бўлса, уларни куч билан футболга бермайман.

Блиц

— Кевин де Брюйне.

— Энг кучли шерик.

— Виллиан.

— Ўз иқтидорини тўлиқ намойиш эта олмаган футболчи.

— Олег Шатов. У улкан марраларга эришади деб ўйлагандим. Ундан кўпроғини кутгандим.

— МДҲ мамлакатлари футболчилари ичида энг кучлиси ким?

— Генрих Мҳитарян.

— Сўнгги ўн йилликда МДҲнинг энг кучли уч нафар футболчиси.

— Мҳитарян, Жирков, Дзюба.