Президент Шавкат Мирзиёев 13 апрель куни Жанубий Корея президенти Мун Чже Ин билан телефон орқали мулоқот қилди, дея хабар бермоқда давлат раҳбарининг матбуот хизмати.
Жанубий Корея компаниялари иштирокидаги устувор инвестиция лойиҳалари, ушбу мамлакат Эксимбанки ва EDCF жамғармаси иштирокидаги ижтимоий аҳамиятга эга дастурларнинг амалга оширилиши таҳлил қилинган.
Савдо ҳажми ва қўшма корхоналар сони сезиларли даражада ортгани мамнуният билан қайд этилиб, бу ишбилармон доираларнинг ўзаро қизиқиши кучайиб бораётганига далолат экани ҳақида якдил фикр билдирилган.«2019 йил апрелида Ўзбекистонга амалга оширилган олий даражадаги ташриф чоғида эришилган келишувларни тўлиқ амалга ошириш ҳамда Сеулда бўлажак учрашувга пухта тайёргарлик кўриш мақсадида Ўзбекистон ва Жанубий Корея ҳукуматлари даражасида фаол мулоқотлар ва алмашинувларни давом эттириш зарурлиги таъкидланди», — дейилади расмий ахборотида, бироқ ташриф саналарига аниқлик киритилмаган.
Суҳбатда коронавирус инфекциясининг тарқалишига қарши курашишда ҳамкорликни давом эттириш ва саъй-ҳаракатларни бирлаштиришга ҳам алоҳида эътибор қаратилган.
Изоҳ (0)