Футбол бўйича Халқаро Чемпионлар Кубоги—2020 мусобақаси коронавирус сабаб бекор қилинди. Бу ҳақда мусобақа матбуот хизмати маълум қилди.
«Футболчилар, ходимлар, мухлислар ва бизнинг ўйинларда иштирок этадиган барчанинг соғлиғи биринчи ўринда туради. Чекловларнинг қачон тугаши ва Европа футболидаги тақвимнинг мавҳумлиги сабаб ушбу ёздаги Халқаро Чемпионлар Кубоги мусобақаси бекор қилинди», — дейилади мусобақа Twitter’ида.
Халқаро Чемпионлар Кубоги — ёзда ўтказиладиган клублар ўртасидаги ўртоқлик мусобақаси. Унда Европа ва дунёнинг кўплаб топ-клублари турли минтақаларда баҳс олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)