Бокс бўйича оғир вазн тоифасида WBC камари соҳиби Тайсон Фьюри Деонтей Уайлдер учинчи жангга пул туфайли рози бўлганини таъкидлади.
«Ҳа, у учинчи жангни ўтказишга рози бўлганини эшитиб ажабландим, чунки иккинчи жанг бир томоннинг устунлигида ўтди. У иккинчи жангда бир сонияни ҳам ўз фойдасига ҳал қила олмади. Уайлдер 34 ёшга кирди, бундай катта устунликдан кейин у яна қанча жанг ўтказа олади?
Унинг шароити қандай эканини билмайман, бироқ америкалик жангчи ва спортчилардан келиб чиқиб айтсам, улар рок-юлдузларидек ҳаёт кечиради, гарчи рок-юлдузи бўлмаса ҳам. Улар тезда катта пулларни сарфлаб юборади. Шундай экан ишончим комил, бу молиявий жиҳатдан ўзига жалб этадиган таклиф. Ўйлашимча, у айнан пул туфайли учинчи жангни ўтказишга рози бўлди», — дейди Фьюри.
Эслатиб ўтамиз, мазкур боксчилар ўртасидаги 2018 йилда ўтказилган илк жанг дуранг билан якун топганди. 2020 йилнинг 22 февралида бўлиб ўтган иккинчи тўқнашувда Фьюри америкалик боксчини техник нокаутга учратган ва Уайлдердан WBC чемпионлик камарини тортиб олганди.
Учинчи жанг 3 октябрь куни ўтказилиши режалаштирилмоқда. Жангдан тушган гонорарнинг 60 фоизига Фьюри эгалик қилади, қолган 40 фоизи эса Уайлдрга тегишли бўлади.
Изоҳ (0)