Қозоғистоннинг Чимкент шаҳридаги уйнинг иккинчи қаватида яшайдиган аёл карантиндан қочишга уриниб кўрди. У тарнов қувури орқали пастга тушди. Бу ҳақда Tengrinews хабар берди.
Воқеага гувоҳ бўлган эркакнинг сўзларига кўра, кўчада аёлни такси кутиб турган эди. Аёлнинг қочиб кетишига уйнинг пастида навбатчилик қилаётган ҳарбийлар ва полициячилар халақит берган.
Гувоҳнинг айтишича, аёлни таксида бир эркак кутиб турган, аёл у билан кетмоқчи бўлган. Бироқ ҳарбийлар ва полициячиларнинг тезкор ҳаракати туфайли аёл уйдан уч метр ҳам узоқлаша олмаган. Аёлни кутиб турган эркак унга ёрдам бермоқчи бўлган, бироқ полиция уларнинг иккаласини ҳам аёл қочган квартирага олиб кирган.
Сўнгги маълумотларга кўра, Қозоғистонда коронавирусга чалинганлар сони 629 кишига етган.
Аввалроқ Олмаотага блокпостларни айланиб ўтиб кирмоқчи бўлган 3 нафар ўзбекистонлик қамоққа олингани ҳақида хабар берилган эди.
Изоҳ (0)