Buyuk Britaniya qirolichasi Yelizaveta II koronavirus pandemiyasi sabab 18 yil ichida birinchi bor fuqarolarga murojaat yo‘lladi. Gap 5-aprel kuni televideniye orqali translyatsiya qilingan nutq haqida ketmoqda. Ushbu holat ko‘plab fotoshop ustalarining e’tiboriga tushdi, deb xabar beradi “Korrespondent.net”.
Qirolicha o‘z murojaatida karantin qoidalariga o‘z xohishi bilan rioya qilayotgan fuqarolarni maqtab, tibbiyot xodimlariga minnatdorchilik bildirgandi.
Biroq blogerlar Yelizaveta II ning “yashil ekran”ni yodga soluvchi feruza rangli ko‘ylagiga e’tibor qaratgan. “Yashil ekran”dan asosan foto va video suratga olish ishlarida fon sifatida foydalaniladi. Shundan so‘ng obyekt ortidagi fon boshqa tasvirga almashtiriladi.
Piter Chiykovskiy ismli foydalanuvchi o‘zining Twitter’dagi sahifasida qirolichaning kiyimini fotoshop uchun ajoyib shablon deb atab, qiziqarli fotomontajlar seriyasini taqdim etgan.
Endilikda Britaniya qirolichasining mushuklar basharasi va turli mashhur personajlar tushirilgan ko‘ylagi bor.
Izoh (0)