Соғлиқни сақлаш вазирлиги коронавирус юқтириб олган 504 нафар ўзбекистонликлар ҳақида қўшимча маълумот берди.
Хабарга кўра, беморларнинг 212 нафари эркак, 292 нафари аёллар. Уларнинг 20 нафарини 0-9 ёшгача бўлганлар (4 фоиз), 29 нафарини 10-19 ёшгача бўлганлар (5,8 фоиз), 84 нафарини 20-29 ёшгача бўлган фуқаролар (16,7 фоиз), 132 нафарини 30-39 ёшгача бўлганлар (26,2 фоиз), 137 нафарини 40-49 ёшгача бўлганлар (27 фоиз), 72 нафарини 50-59 ёшгача бўлганлар (14,3 фоиз), 22 нафарини 60-69 ёшгача бўлганлар (4,4 фоиз), 7 нафарини 70-79 ёшгача бўлганлар (1,4 фоиз) ташкил қилади. 80 ёшдан юқори бўлган 1 нафар (0,2 фоиз) фуқаро ҳам карантиндагилар орасида бор.
Коронавирус инфекциясига чалинган 194 нафар бемор Тошкент шаҳрида даволанмоқда. Шунингдек, Қорақалпоғистон Республикасида 16, Андижон вилоятида 61, Бухоро вилоятида 84, Наманган вилоятида 51, Фарғона вилоятида 70, Хоразм вилоятида 18, Қашқадарё вилоятида 6, Навоий вилоятида 2, Самарқанд вилоятида 1, Жиззах вилоятида 1 нафардан бемор ҳудуддаги юқумли касалликларга ихтисослаштирилган шифохоналарда даволанмоқда.
Шу ўринда айтиш керакки, лаборатор таҳлиллар натижасида касаллиги аниқланган фуқаролар доимий рўйхатдан ўтган жойидан қатъи назар карантинда бўлган ҳудудидаги ихтисослашган тиббиёт муассасаларига даволаш учун ўтказилмоқда. Айни пайтда тиббиёт ходимлари томонидан беморларга халқаро стандартлар асосида даво муолажалари олиб борилмоқда.
Шу кунга қадар 30 нафар бемор ушбу касалликдан бутунлай соғайган. Соғлиқни сақлаш вазирлиги мутасадди вазирлик ва идоралар билан ҳамкорликда эпидемиологик суриштирув ҳамда коронавирус инфекциясининг тарқалиб кетмаслиги учун барча зарур профилактик чора-тадбирларни амалга оширмоқда, дейилади ССВ жамоатчилик билан алоқалар бўлимининг хабарида.
Мавзуга доир:
Изоҳ (0)