Кот-д’Ивуарда аҳоли коронавирусдан касалланганлар учун қурилаётган шифохонани бузиб ташлади

Ғарбий Африкадаги Кот-д’Ивуар давлатининг энг йирик шаҳри бўлмиш Абиджан аҳолиси коронавирус пандемияси билан курашиш учун қурилаётган тиббий марказни вайрон қилди. Бу ҳақда BBC хабар бермоқда.

#COVID19CIV :
“ Démantèlement d’un centre d’accueil des cas confirmés de #Covid19 en construction au stade de la BAE à Yopougon .
La population estiment que le centre est beaucoup trop proche de leurs habitations... “ pic.twitter.com/BjcQsbp23B

— La Côte d’Ivoire (@CotedIvoire_off) April 5, 2020

Қайд этилишича, бунга қурилаётган тиббий марказнинг аҳоли яшаш пунктига яқинлиги сабаб бўлган. Тиббиёт даражаси паст бўлган қарийб 5 миллион аҳолиси бўлган шаҳар марказида клиниканинг қурилиши туфайли одамлар вируснинг жуда тез тарқалиб кетишидан хавотирда.

Ижтимоий тармоқларда ушбу воқеа акс этган видеода одамлар ўз қўллари билан бинони бузаётгани, қурилиш материалларини отиб ташлаётганини кўриш мумкин.

Кот-д’Ивуар Соғлиқни сақлаш вазирлиги эса тиббиёт марказидан коронавирус билан касалланганлар учун шифохона сифатида фойдаланиш ҳеч қачон режалаштирилмаганлигини айтмоқда.

Таълидланишича, Кот-д’Ивуарда коронавирус пандемияси туфайли фавқулодда ҳолат режими амал қилмоқда. Кечки соат 10 дан эрталабки соат 5 гача коммендантлик соати жорий этилган. Ҳукумат душанба кунидан бошлаб Абиджанда карантин эълон қилган. Бироқ у аҳолини тиббий марказни вайрон қилишдан тўхтатмаган.

Айни пайтда Кот-д’Ивуарда 245 киши коронавирусга чалинган, 1 киши вафот этган.