Нью-Йорк штати ҳукумати коронавирус хавфи шароитида ижтимоий масофаланиш қоидаларини бузганлар учун жарима миқдорини минг долларгача кўтарди. Бу ҳақда штат губернатори Эндрю Куомо ўзининг Twitter’даги саҳифаси орқали маълум қилди.
Нью-Йорк АҚШда коронавирус пандемиясининг эпимарказига айланган.
«Бугун давлат томонидан ўрнатилган ижтимоий масофаланиш қоидасини бузганлар учун белгиланган жаримани 500 дан 1000 долларга кўтараман. Ушбу душманга биринчи кунданоқ паст баҳо берган эканмиз», — деб ёзади Куомо.
Ҳозирда Нью-Йорк штатида коронавирус билан касалланганлар сони 130 мингдан ошди, 4,7 минг киши вафот этди. Қурбонларнинг аксарияти Нью-Йорк шаҳри ҳисобига тўғри келмоқда.
Мавзуга доир:
Изоҳ (0)