Хитойнинг материкли қисмида бир нафар одам COVID-19’дан вафот этган, касаллик юқтириб олиш бўйича 39 та янги ҳолат қайд этилган, 38 нафар одам коронавирусни мамлакат ташқарисидан олиб келган, 11 нафар бемор тузалган. Бу ҳақда ХХР соғлиқни сақлаш комиссияси хабарига асосланиб, «РИА Новости» хабар қилди.
Сўнгги ҳафталарда Хитойда кузатилган коронавирус юқтириб олиш ҳолатларининг деярли барчасида беморлар инфекция билан хорижда касаллангани аниқланган, фақат Гуандун провинциясида бешта маҳаллий ҳолат қайд этилган. Охирги бир сутка ичида улар сафига яна бир маҳаллий бемор қўшилди.
Хитойда айни кунгача 951 та ҳолатда беморлар коронавирусни хориждан юқтириб қайтгани, 693 нафар киши ҳали ҳам даволанаётгани, 22 нафар одам оғир аҳволда экани ва 258 нафар инсон тузалиб кетгани маълум қилинган.
«Соғлиқни сақлаш давлат қўмитаси 31 та провинциядан янги турдаги коронавирус юқтирганлик юзасидан 81 708 та ҳолат бўйича маълумот олган, жумладан, 1299 нафар бемор (265 нафари оғир аҳволда), 77 078 нафар фуқаро эса касалхонадан чиқарилган, 3331 нафар киши вафот этган», – дейилади хабарда.
1 апрелдан бошлаб мамлакат ҳукумати вакиллари касалликнинг белгиларсиз юқиши мумкинлиги ҳақида маълум қилди, охирги бир сутка ичида жами 78 та ҳолат кузатилган ва шундан 40 тасида касалланган шахсларнинг хориждан Хитойга қайтгани айтилмоқда. 50 нафар одам карантиндан чиқарилган, сабаби гарчи улар топширган таҳлиллар ижобий бўлса ҳам уларда касаллик аломатлари кузатилмаган.
Айни вақтда 1047 нафар касалланган, бироқ коронавирус белгилари кузатилмаган кишилар тиббий кузатув остига олинган.
Эпидемия ўчоғи бўлган Хубэй провинциясида охирги бир суткада бирорта ҳам касалланиш ҳолати кузатилмаган, касалхоналардан 69 нафар киши тузалиб чиққан, ҳаммаси Ухань шаҳрида, битта ўлим ҳолати қайд этилган у ҳам Уханда.
Мавзуга доир: Одил Аҳмедов: Хитой коронавирусни деярли енгиб бўлди
Гонконгда 890 та касалланиш ҳолати кузатилган, 4 нафар одам коронавирусдан вафот этган, 206 нафар инсон касалликдан тузалган, Макаода эса 44 та ҳолат қайд этилган (10 нафар киши тузалган), Тайванда 363 нафар киши COVID-19 юқтириб олган, 5 нафар одам вафот этган ва 54 киши касалликдан тузалган.
Изоҳ (0)