Ҳиндистоннинг Чхаттисгарх штатида яшовчи эр-хотин эгизак фарзандларини коронавирус шарафига номлади, деб ёзади Hindustantime.
Эгизаклар 27 март куни, яъни коронавирус пандемияси карантини пайтида дунёга келган.
Ота-она ўғил бола чақалоққа Ковид, қиз болага эса Корона деб исм қўйган.
«Ҳа, бу хавфли вирус. Лекин коронавирус пандемияси инсонларни санитария ва гигиена қоидаларига риоя этишга ўргатди. Шунинг учун фарзандларимизни коронавирус шарафига номлашга қарор қилдик», — дейди эгизакларнинг 27 ёшли онаси Прити Верма.
Ота-она келгусида эгизакларнинг исмини ўзгартириш эҳтимоли ҳам йўқ эмаслигини айтиб ўтган.
Аввалроқ ҳам Ҳиндистонда туғилган чақалоққа коронавирусга атаб исм қўйилган эди.
Изоҳ (0)