Москвада коронавирус инфекцияси билан касалланган яна икки бемор вафот этди. Бу ҳақда Коронавирус билан боғлиқ вазиятни назорат ва мониторинг қилиш тезкор штаби хабар берди. Аввалроқ марҳумларга икки томонлама пневмония ташхиси қўйилган.
Аввалроқ Москвада коронавирус билан касалланган 4 нафар бемор вафот этгани ҳақида хабар берилганди.
Беморлар 58 ва 70 ёшда бўлган. Маълумотларга кўра, улар сурункали бронхит, гипертония ва қандли диабетдан ҳам азият чекиб келган.
Шундай қилиб, Москвада COVID-19 коронавируси оқибатида вафот этганлар сони 29 кишига, бутун Россия бўйлаб эса — 45 кишига етди.
Коммунаркадаги касалхона бош шифокори Денис Проценко ўзининг Facebook’даги саҳифаси орқали 58 ёшли беморнинг жасадини ёриб кўриш натижасида унда икки томонлама субтоталь вирус-бактерияли пневмония аниқланганини маълум қилди.
Мавзуга доир:
Изоҳ (0)