АҚШ ҳукумати коронавирусга қарши кураш мақасадида Нью-Йоркка қўшин киритади. Бу ҳақда АҚШ президенти Дональд Трамп Оқ уйда ўтказилган брифинг давомида маълум қилди, деб хабар беради CNBC.
Нью-Йоркда коронавирус инфескияси билан боғлиқ вазият мураккаблашгани сабаб шаҳарга жами минг нафар ҳарбий хизматчи юборилади. Шунингдек, АҚШ президенти Нью-Йорк штати ва шаҳрига сунъий нафас олдириш аппаратлари юборилишини маълум қилди. Айни вақтда омборларда шу турдаги аппаратлардан 10 минг донаси мавжуд.
Бундан ташқари, АҚШнинг бошқа штатларига ёрдам кўрсатиш мақсадида яна минглаб ҳарбий хизматчилар сафарбар этилади. Сафарбар қилинганлар орасидан ҳарбий шифокор ва ҳамширалар ҳам ўрин олади.
4 апрель куни АҚШ Мудофаа вазирлиги Нью-Йоркда коронавирус оқибатида вафот этганларнинг жасадини кўмиш ва кремация қилиш учун ҳарбий дафн гуруҳларини юбориши маълум бўлганди. Виргиния штатидан вақтинчалик йўналтирилган гуруҳдан 42 киши ўрин олган.
Мавзуга доир: Дональд Трамп аҳолига ниқоб тақишни тавсия қилди, лекин ўзи бу тавсияга амал қилмаслигини айтди
Изоҳ (0)