Ўзбекистонда карантин қоидаларига амал қилмаслик билан боғлиқ жами 22 286 та ҳолат аниқланди

Ўзбекистонда коронавирус карантини эълон қилинган 16 мартдан буён бугунги кунга қадар карантин қоидаларига амал қилмаслик билан боғлиқ жами 22 286 та ҳолат аниқланди.

ИИВ матбуот хизмати хабарига кўра, энг кўп — 3 778 та қоидабузарлик Тошкент шаҳрида қайд этилган. Тошкент вилоятида эса бундай ҳолатлар сони 2 203  тани ташкил этмоқда. Республика бўйича аниқланган қолган қоидабузарликлар эса қуйидагича:

• Фарғона вилоятида — 2 762 та;
• Самарқанд вилоятида — 2 183 та;
• Қашқадарё вилоятида — 1 636 та;
• Наманган вилоятида — 1 578 та;
• Жиззах вилоятида — 1 469 та;
• Андижон вилоятида — 1 326 та;
• Сурхондарё вилоятида — 1 250 та;
• Сирдарё вилоятида — 1 151 та;
• Бухоро вилоятида — 1 015 та;
• Навоий вилоятида — 282 та;
• Хоразм вилоятида — 869 та;
• Қорақалпоғистон Республикасида — 784 та ҳолатни ташкил этмоқда.