Ўзбекистонда яқин келажакда электр энергиясининг нархи оширилиши режалаштирилмаяпти. Бу ҳақда Энергетика вазирлиги хабар берди. Таъкидланишича, соҳада ривожлантирилаётган давлат-хусусий шериклиги электр энергия қийматига ижобий таъсир кўрсатади.
Вазирликнинг маълум қилишича, Ўзбекистонда хусусий электр станцияларини қуриш ва уларни бошқаришни режалаштираётган халқаро компаниялар ўзларининг лойиҳавий таклифларида бугунги кунда давлат электр станцияларида амал қилаётган электр энергияси тарифларига нисбатан паст тарифларни режалаштирмоқда.
«Истиқболда давлат-хусусий шериклиги электр энергиянинг таннархини пасайтиришга ёрдам бериши кутилмоқда, натижада ўрта ва узоқ муддатда қулай тариф сиёсатини таъминлаш мумкин бўлади», — дейилади Энергетика вазирлигининг ахборотида.
Мавзуга доир:
- Коронавирус сабабли Юнусободда электр энергияси истеъмоли бўйича ўрнатилган базавий меъёрлар бекор қилинади
- Саудияликлар Ўзбекистонда электр станциялари қуриш бўйича 2 млрд долларлик 3 та келишув имзолади
- Сирдарё ИЭС яқинида қуввати ундан 1,7 баравар юқори бўлган янги ИЭС қурилади
- «Ўзбекистон ўз сўзида туриши керак». SkyPower Global раҳбари Шавкат Мирзиёевга мурожаат қилди
Изоҳ (0)