Қозоғистонда коронавирус билан касалланган яна 17 киши аниқланди, деб хабар беради Tengrinews.
Янги беморларнинг икки нафари Нур-Султонда, тўққиз нафари — Олмаотада. Шунингдек, Қизилўрда вилоятида — уч нафар, Атирау, Оқтўбе, Шимолий-Қозоғистон вилоятларида — бир нафардан.
Бугунги кунга келиб, Қозоғистонда COVID-19 коронавируси билан касалланганлар сони 325 кишига етди. Сўнгги маълумотларга кўра, мамлакатда 21 киши вирусдан даволанишга муваффақ бўлган.
Аввалроқ Олмаотада коронавирус юқтириб олган икки аёлнинг бири Ўзбекистондаги тўйда бўлиб қайтгани ҳақида хабар берилганди. 1960 йилда туғилган аёл қариндошлари билан бирга Қорақалпоғистон Республикасининг Тўрткўл туманида бўлиб ўтган тўйда иштирок этган.
Эслатиб ўтамиз, 26 март куни Қозоғистонда коронавирус оқибатида 64 ёшли аёл вафот этган эди. Нур-Султонда карантин вақтида чекловлар кучайтирилган, шаҳарга кириб-чиқиш тўлиқ ёпилиб, блокпостлар ўрнатилган.
Изоҳ (0)