Россия ҳамда АҚШ президентлари Владимир Путин ва Дональд Трамп телефон орқали мулоқот қилди. Бу ҳақда Кремль матбуот хизмати хабар қилган.
Улар икки давлатнинг COVID-19 коронавируси пандемиясига қарши курашдаги ўзаро ҳамкорлиги ҳақида суҳбат қурган. Мулоқот Америка томонининг ташаббуси билан ўтказилган.
«Давлат раҳбарлари дунёда коронавируснинг тарқалишида ташвишда эканини билдириб, Россия ва АҚШда ушбу хавфга қарши курашиш борасида амалга оширилаётган чора-тадбирлар ҳақида фикр алмашди»,— дейилади хабарда.
Мавзуга доир:
- Россияда коронавирусга қарши кураш учун 3 турдаги дори ишлаб чиқилгани маълум қилинди
- Johnson & Johnson компанияси 2020 йилнинг сентябрида коронавирусга қарши вакцинанинг одамлардаги синовини бошлайди
- Трамп АҚШнинг коронавирус пандемиясидан тикланиши тахминан қачондан бошланишини айтди
- Москванинг барча аҳолиси учун уй шароитида изоляцияланиш режими жорий этилди
Россия федерацияси президентининг матбуот котиби Дмитрий Песков Путиннинг Трампдан антироссиячилик санкцияларини олиб ташлашни сўрамаганлигини қайд этди. Аввал АҚШ президенти Fox News телеканали эфирида россиялик ҳамкасбининг бир неча марта санкцияларни бекор қилишни сўраб мурожаат қилганини айтиб ўтганди. Трамп телефон орқали суҳбат режалаштирилаётганини эълон қилган вақтида нефть нархининг тушиб кетиши сабаб энергетика сектори талафот кўришини истамаслигини таъкидлаган.
Эслатиб ўтамиз, 30 март куни Brent маркали нефть нархи 2002 йил ноябридан бери илк бора 23 АҚШ долларидан ҳам арзонлашди. Март бошидан бери нефть нархи қарийб икки баравар пастлаган. Ушбу воқеалар ОПЕК+ келишувининг бекор бўлиши ва Саудия Арабистонининг нефть ишлаб чиқариш ҳажмини ошириши оқибатида юз бермоқда. Bloomberg нашри Америка операторларининг нефть ишлаб чиқарувчилардан «қора олтин» олиш ҳажмини камайтиришни сўрагани ҳақида хабар берганди. Агентлик экспертларининг қайд этишича бу нефть ишлаб чиқариш ҳажми уни сақлаш учун мўлжалланган жойларга нисбатан ошиб кетганини англатади.
Аввал Россиянинг Urals нефть партиясининг нархи 1999 йилдан бери кузатилмаган даражада пасайгани ҳамда Норвегиянинг нефть бозорига қақшатқич зарба беришга тайёргарлик кўраётгани ҳақида хабарлар берилган.
Изоҳ (0)