АҚШда коронавирус билан касалланганлар сони 164 минг кишидан, вафот этганлар сони эса 3,1 минг кишидан ошди. Бу ҳақда касаллик статистикасини реал вақт режимида кузатиб бораётган Жон Ҳопкинс университети хабар берди.
Сўнгги маълумотларга кўра, АҚШда 164 274 кишида коронавирус инфекцияси аниқланган. Касаллик оқибатида вафот этганлар сони 3164 кишини ташкил этмоқда, 5847 киши даволанишга муваффақ бўлган.
Бутун дунё бўйлаб коронавирус билан касалланганлар сони бўйича АҚШдан кейинги ўринда Италия кетмоқда. Мамлакатда 100 мингдан ортиқ одам инфекцияни юқтириб олган, 11,5 мингдан ортиқ одам вафот этган.
Аввалроқ АҚШда COVID-19 коронавирусига қарши вакцина ишлаб чиқиш бўйича клиник синовлар бошлангани, вакцина Вашингтондаги Саломатлик миллий институти томонидан ишлаб чиқилаётгани ҳақида хабар берилганди. Шунингдек Британиядаги hVIVO тадқиқот гуруҳининг коронавирусга қарши вакцина ишлаб чиқиш ва шунга ўхшаш вирусни юқтириш дастурида иштирок этишга 20 мингдан ортиқ одам рози бўлган.
30 март ҳолатига кўра, Ўзбекистонда коронавирус инфекцияси билан касалланганлар сони 150 нафарга етган.
Изоҳ (0)