Америкалик телебошловчи Хода Котб янгиликлар дастурида коронавирус ҳақида гапираётганида йиғлаб юборди, деб ёзади CNN.
Бошловчини америкалик футболчи Дрю Брис билан суҳбат таъсирлантирган.
Қайд этилишича, Дрю Брис коронавирусга қарши курашиш ва унинг оқибатларини бартараф этиш учун Луизиана штатига беш миллион доллар ажратган.
Котб спортчининг сахийлиги учун миннатдорлик билдириб, унинг бу иши бошқаларга ҳам ўрнак бўлиши мумкинлигини айтган. «Дрю, биз сени яхши кўрамиз!», деган бошловчи футболчига ва кўзёшларини тийиб туролмаган.
Котб йиғлаб юборгани учун томошабинлардан кечирим сўраган.
Аввалроқ АҚШда коронавирусни безгакка қарши дорилар билан даволашга рухсат берилгани ҳақида хабар берилган эди. 31 март куни АҚШ ҳукумати коронавируснинг иккинчи тўлқини кузда кузатилиши мумкинлигини маълум қилди.
Изоҳ (0)