Трамп — яҳудий, Макрон — поляк. Gradient дастури дунё етакчиларининг миллатини аниқлади

Тармоқларда инсоннинг этник келиб чиқишини суратига қараб аниқлайдиган Gradient дастури машҳурликка эришмоқда. Cosmopolitan нашри ушбу дастурнинг ноодатий функциясини синовдан ўтказишга қарор қилиб, турли давлатларнинг президентлари суратларидан фойдаланди.

Владимир Путин

Дастурда Россия президенти Владимир Путиннинг келиб чиқиши борасида ҳеч қандай шубҳа йўқ кўринади: уни 44 фози рус миллатига мансуб деб топган. Шунингдек, Россия президентининг немислар ва арабларга хос чизгилари борлигини кўрсатган.

Дональд Трамп

АҚШ президенти Дональд Трампни эса Gradient «тоза яҳудий» деб кўрсатган. Трампнинг ушбу миллат вакиллари билан алоҳида муносабатлари бор. Унинг қизи Иванка бизнесмен Жаред Кучнерга турмушга чиқиб, иудаизмни қабул қилган. Трампнинг 14 фоизигина америкаликларга ўхшашлиги ҳайратланарли.

Александр Лукашенка

Александр Лукашенкони эса дастур рус миллатига мансуб қилиб кўрсатган. Рақамларга ишониладиган бўлса, Беларусь президентининг 29 фоизи — француз, 23 фоизи — немис.

Ангела Меркель

Gradient Ангела Меркелни ирландиялик деб топди. Аслида эса Германия канцлери она томондан полякларга бориб тақалади. Бироқ дастур негадир буни кўрсатмаган. Шунга қарамай, унинг юзида славянларга ўхшашлик борлиги таъкидланган.

Владимир Зеленский

Владимир Зеленскийнинг юз пропорциясига кўра, унинг аждодлари орасида руслар, яҳудийлар, америкалик ва арманлар борга ўхшайди.

Эммануэль Макрон

Тажриба Франция президенти Эммануэль Макроннинг 71 фоизини поляк, 23 фоизини швед ва 5 фоизини рус деб кўрсатган.

Елизаветта II

Виндзорлар авлодининг қироличасида эса немисларга ўхшаш жиҳатлар аниқланган. 1840 йилда Елизавета II нинг бувисини бувиси Виктория «немис шаҳзодаси»га турмушга чиққан: Унинг эри Саксен-Кобург-Готлар сулоласидан бўлган Алберт эди.

Ким Чен Ин

Ким Чен Ин мазкур тизимни буткул йўққа чиқарган. Дастур Шимолий Корея етакчисини аргентиналик деб кўрсатган. Gradient осиёликларнинг юз тузилишини танимагани ғалати…